Søknadsskjema finn du på heimesida til Surnadal kommune: Surnadal kommune.no, skjema.
Vi oppmodar alle til å søkje elektronisk. Om du skulle trenge hjelp til å fylle ut søknadskjemaet, kan du ta kontakt med sørvistorget på tlf. 71655800.
Barnehageåret startar den 15. august eit år og varer fram til 14. august året etter.
Nye barn som ikkje har plass i barnehage frå før, skal bruke skjemaet; Barnehage - søknad.
Dei som ønskjer å endre på tilbodet dei allereie har, skal bruke skjema; Barnehage - overføring,endring,oppseiing
Dei som har plass og ikkje ønskjer å endre på den plassen dei allereie har, treng ikkje søkje. Barnet vil automatisk behalde den plassen det har fram til skulestart.
Surnadal kommune har eit hovedopptak i året, til vanleg i mars mnd. Elles i året tek vi imot søknader heile tida og har fortløpande opptak.
Surnadal kommune har som målsetting at alle som ønskjer det, skal få eit tilbod i barnehagen innan rimeleg tid etter søknad. Når det er ledig kapasitet, blir det tildelt plass så snart som råd er.
Du finn opplysningar om dei einskilde barnehagane, betalingssatsar og vedtekter på heimesida til kommunen. Elles kan du ta kontakt med sørvistorget for nærmare informasjon.