Vi har behov for ferievikarar på følgjande einingar sommaren 2010.
1. Heimetenesta:
Vi søkjer etter sjukepleiarar, sjukepleiestudentar, hjelpepleiarar, omsorgsarbeidarar og assistentar.
Søkjarar til heimesjukepleia må ha førarkort, vi har leasingbilar.
Søkjarar til heimehjelp må ha førarkort og må disponere bil i arbeidstida.
Ferievikarar ved omsorgsbustaden treng ikkje førarkort.
Ta kontakt for nærare informasjon!
2. Institusjonane:
Treng sjukepleiarar, sjukepleiestudentar, hjelpepleiarar, omsorgsarbeidarar, assistentar og kjøkkenpersonale.
3. Habiliteringa:
Treng vernepleiarar, vernepleiarstudentar, personar med anna helsefagleg utdanning og assistentar. Vi ønskjer oss både kvinner og menn som søkjarar.
Søkjarar på heimetenesta, institusjonane og habilitering som er tilgjengeleg i hovudferieperioden frå og med veke 27 til og med veke 32 vil bli prioritert.
4. Eigedomsavdelinga:
Treng vikarar innafor vaktmeisterteneste, plen/hagearbeid og reinhald.
5. Kommunalteknikk:
Treng vikarar til å utføre hage/parkarbeid heile skuleferien. Vikarane bør ha førarkort og løyve til å køyre varebil med hengar. Treng og ferievikarar som kan arbeide i mai og etter skulestart om hausten.
6. Svinviks Arboret:
Arbeid i publikumsmottak og museumskafe, reinhald, samt med omvisingar avhengig av kvalifikasjonar. Variabel arbeidstid, inkl. arbeid på helg, etter oppsett turnus. Arbeidsperiode tilpassa innafor publikumssesongen mai-august, veke 18-32.
Søkjarar som er tilgjengelege heilt eller delvis på helgedagar frå sesongstart 8.mai vil bli prioritert.
For alle gjeld:
Søkjarane må ha fylt 18 år. Alle, utanom faste tilsette i Surnadal kommune og dei som har ekstrahjelp-/korttidsavtale i Surnadal kommune, må levere skriftleg søknad.
Lønn etter kvalifikasjonar og etter stillingskarakter.
Surnadal kommune kan ta i mot elektroniske søknader på ledige stillingar. Vi oppmoder deg til å sende inn elektronisk søknad. Dersom du ikkje søker elektronisk, sender du søknaden din til Surnadal kommune, Bårdshaugvegen 1, 6650 Surnadal.
Søknadsskjema finn du på kommunen sine heimesider på følgjande adresse: www.surnadal.kommune.no, Ledige stillingar, Elektronisk søknadsskjema, eller du kan ta kontakt med Sørvistorget på tlf. 71 65 58 00.
I skjemaet kryssar du av kva eining det blir søkt på, og likeeins prioriter dersom du søkjer på fleire einingar. Vidare gjev du opp kva tidsrom du kan arbeide. Ta kontakt med den enkelte eining dersom det er noko du lurer på.
Søknadsfrist: FREDAG 12. MARS 2010.