På sjukeheimen har fleire aktivitetar gått som vanleg ei god stund no og så langt har vi heldigvis klart å unngå smitte hos bebuarane.

Alle bebuarane ved sjukeheimen tilhøyrer den sårbare gruppa med forhøga risiko for komplikasjonar ved eventuell smitte med covid-19. Dei aller fleste er vaksinerte, men vi ønskjer likevel å hindre smitte ved sjukeheimen i størst muleg grad.

Vi oppfordrar difor til følgande rutiner om du ønskjer å besøke sjukeheimen:

• Besøkande er anbefalt å bruke munnbind i fellesområda på sjukeheimen
• Besøkande med forkjølelsessymptom bør vente til dei er friske før dei kjem på besøk
• Besøkande treng ikkje å registrere besøk i besøkslogg.

Informasjon er i tillegg hengt opp ved alle inngangsdørene ved sjukeheimen.

Gode basale smittevernreglar som god handhygiene er framleis viktig.