Husbanken har fleire verkemiddel som kan bistå innbyggarane med bustadetablering, ved både kjøp og bygging av bustad. Det er kommunane som administrerer ordninga på vegne av Husbanken.
Har du behov for å tilpasse bustaden din? Da kan du søke om finansiering til små eller store ombyggingar og tilpasningar, slik at du kan fortsette å bu i den sjølv om du har nedsett funksjonsevne. Søknadsfrist for dei ulike tilskota er 1. november.
I tillegg kan du søkje om startlån til etablering og tilpasning av bustad fortløpande gjennom heile året.
Du finn søknadsskjema og informasjon lenger ned på denne sida.
Startlån
Kva er startlån?
Startlån kan bidra til at husstandar med bustadetableringsproblem får mulegheit til å etablere seg og bli buande i nøkterne og gode bustadar.
Kven kan få startlån?
Ordninga er retta mot personar med langvarige bustad- og finansieringsproblem. Bustaden som det blir gitt lån til skal være nøktern, egna og rimeleg i høve til antal bebuarar og lokalt prisnivå.
Søknadsfrist: Fortløpande
Meir informasjon om startlån og elektronisk søknadsskjema
Bustadtilskot for tilpasning av bustad
Har du behov for å tilpasse bustaden din?
Da kan du søke om finansiering til små eller store ombyggingar og tilpasningar.
Å tilpasse ein bustad inneber å gjere den egna slik at du kan fortsetje å bu i han, sjølv om du har nedsett funksjonsevne.
Tilpasninga må vere hensiktsmessig og behovet for tilskot blir vurdert i sin heilskap ut frå husstanden sin økonomiske situasjon på sikt.
Les meir om ordninga på husbanken sine sider (retningsliner og forskrifter)
Kven kan få tilskot til tilpasning?
- husstandar eller enkeltpersonar som har behov for tilpasning av bustaden på grunn av nedsatt funksjonsevne
- eldre som ønskjer å utføre forebyggjande tilpasningstiltak for å kunne bli buande heime
Kva kan det bli gjeve tilskot til?
- både enkle tiltak for å betre tilkomsten til bustaden og til større ombyggingar for å tilrettelegge bustaden
- både leid og eigd bustad
Når vi vurderar tildeling, prioriterar vi dei med størst behov først. Familiar med funksjonshemma barn er høgt prioritert. Tilskotet er ikkje ei rettighetsbasert ordning.
Søknadsfrist: Fortløpande i løpet av året, men siste frist er 1. november.
Korleis søke?
Tilskot til utredning og prosjektering
Du kan og søke om tilskot til utredning og prosjektering for å kartlegge behov, moglegheiter og kostnader.
- Utredning av eksisterande bustad: teknisk tilstand, adkomst, arealbehov og prisoverslag.
- Prosjektering med fagleg bistand: gjeld både for tilpasning av bustad og bruk av velferdsteknologi. Dette kan for eksempel bli utført av arkitekt eller ein anna fagkyndig person.
Frå 2020 er tilskot til utredning og prosjektering innlemma rammeoverføringa til kommunane og vorte ei kommunal oppgåve. Utredning og prosjektering i forkant må skje i samforståing med ergoterapeut/bustadkonsulent i kommunen. Ta kontakt med kommunen for råd og rettleiing. Dette tilskotet er ikkje økonomisk behovsprøvd.
Les meir om tilskot og prosjektering
Tilskot til utredning og prosjektering
Her finn du søknadsskjema (PDF, 144 kB)
Tilskot til etablering av bustad
Personar som ikkje klarar å betene eit startlån som er stort nok til å finansiere ein egna bustad, kan få tilskot til etablering.
Tilskot til etablering skal bidra til å skaffe egna bustad for vanskelegstilte på boligmarkedet. Tilskotet skal og sikre at vanskelegstilte kan bli buande i ein egna bustad.
Tilskot kan vi gi til kjøp av ny eller brukt bustad og til refinansiering. Tilskot til etablering blir vanlegvis brukt som toppfinansiering når ein bustad skal finansierast. Kor mykje tilskot som blir gjeve, avheng av husstanden sin økonomi og kor stort startlån husstanden kan betene.
Les meir om ordninga om tilskot til etablering på husbanken sine sider
Kven kan få tilskot til etablering?
Tilskot til etablering blir gjeve til enkeltpersonar/husstandar med varig låg inntekt og som ikkje er i stand til å betene fullt lån til egna bustad. Ordninga er behovsprøvd og bare dei aller mest vanskelegstilte kan rekne med å få tilskot.
Korleis søke?
Dette er vilkåra for tilskot
- Vi vurderar søknaden på grunnlag av søkaren sin økonomi
- Tiltaket skal kunne vare over tid
- Behovet skal vurderast av ein ergoterapeut i kommunen
- Bustaden skal vere godkjend som heilårsbustad og vere egna for tilskotsmottakar