Klage på eigedomsskatten

Eigedomsskatten bereknast av bustadverdien. Dersom kommunen brukar Skatteetaten sin berekna bustadverdi som grunnlag for utskriving av eigedomsskatten, og du meiner grunnlaget er feil, kan du sjølv endre dette i skattemeldinga di. Det er ikkje lenger nødvendig å klage til Skatteetaten. 

Du kan sende endringsmelding til Skatteetaten.

Endring av bustadverdi gjer du via skatteetaten sine heimesider. Du må kunne dokumentere bustadens marknadsverdi dersom Skatteetaten etterspør dette.

Meiner du oppgjeve areal er feil, kan du sjølv korrigere arealet i skattemeldinga di.

Du treng ikkje å melde frå til kommunen om at du klagea på bustadverdien. Endrar Skatteetaten bustadverdien for det aktuelle året, får kommunen melding om dette og vil justere eigedomsskatten.

Meir informasjon om endring av bustadopplysningar/formuesverdi finn du på Skatteetaten sine hjemmesider.

Endre grunnlaget for berekning av eigedomsskatt. 

Du kan ta kontakt med skatteetaten og/eller bestille time på telefon: 800 80 000.
 

Klage på fastsett eigedomsskattetakst kan fremmast kvart år i forbindelse med utskrivinga av eigedomsskatten, dersom det ikkje er klaga på same grunnlag tidlegare.

Ein eventuell klage blir først behandla av Sakkyndig nemnd for eigedomsskatt. Om klagar ikkje får medhald, går klagen vidare til ei kommunal Klagenemnd for eigedomsskatt.

Ei klagebehandling kan resultere i at taksten blir ståande, blir redusert eller auka. Saksbehandling skjer i samsvar med Lov om eiendomsskatt §19 og §14.

Eigedomsskatten må betalast innan forfall sjølv om du klagar på taksten.

I klagen må du angi gards- /bruksnummer/festenummer/seksjonsnummer for eigedommen. Dette finn du på skatteseddelen din. Forklar kva du meiner er feil i eigedomsskattetaksten.

Klagen må vere skriftleg og vere sendt innan 6 veker frå du mottok skatteseddelen til:

Surnadal kommune
Eigedomsskattekontoret
Bårdshaugvegen 1
6650 Surnadal

eller via e-post: post@surnadal.kommune.no