Postkasse med bok

• Fjernlån er gratis for lånaren.
• Du som lånar henter og leverer tilbake materialet på ditt lokale bibliotek, mens vi står for frakta mellom biblioteka.
• Du kan søke og bestille på Biblioteksøk, eller i Oria viss du er student (meir informasjon om Biblioteksøk og Oria lenger ned).
• Send gjerne e-post eller bruk kontaktskjemaet viss du treng hjelp med å bestille fjernlån. Nøyaktige opplysningar om tittel, forfattar og eventuelt utgåve/utgivingsår gjer det raskt og greit for oss å bestille det du treng.
• Er du usikker på kva du skal ha, kan det være best å ringe eller kome innom biblioteket, slik at vi er sikre på at det vi bestiller faktisk er det rette for deg.
• Vi bestiller også kopiar av artiklar i tidsskrift eller bøker.

Fristar og fornying av fjernlån:

• Det er eigarbibliotekets lånefristar og reglar for fornyingar som gjeld ved fjernlån.
• Logg gjerne inn på Meg & mitt og forny materiale du har på fjernlån. Ta kontakt med oss om det ikkje går, det kan hende du får fornye likevel.

Biblioteksøk

• Biblioteksøk er ei felles søketeneste for norske bibliotek, her kan du søke i mange bibliotek samtidig.
• Du kan bestille materiale og velge kva for bibliotek du vil kome til for å låne og levere.
• Du treng Nasjonalt lånekort for å logge inn og bestille i Biblioteksøk.

Oria

• Oria er norske fagbibliotek sin søkemotor. Her kan du søke i alle fagbiblioteka samtidig, eller finne eit bestemt bibliotek og søke hos dei.
• Studentar kan bruke Feideinnlogging og sjølv bestille hos det høgskule- eller universitetsbiblioteket dei tilhøyrer.
• Andre brukarar kan ikkje bestille direkte i Oria, kontakt oss så bestiller vi det du ønsker.