Kven gjeld dette for?
Alle verksemder som kan forventast å sleppe ut oljehaldig avløpsvatn må sende søknad. Det inkluderer mellom anna verkstader for køyretøy og vaskehallar. Løyvet gjeld den bedrifta som brukar lokalet og det omfanget det er søkt om. Om utsleppet aukar vesentleg eller ei ny verksemd flyttar inn i lokalet, må ein ha eit nytt løyve.
Krav til avløpssystem
Avløpet skal minimum bestå av sandfang eller liknande innretning der tunge partiklar kan sedimentera på botnen. Når ein får utsleppsløyve blir det stilt vilkår til kva mengd olje som kan sleppast ut. For å ta representative prøver må vatnet falle fritt så olje og vatn blir blanda. Derfor trengst ein prøvetakingsskum der prøven blir tatt. For å oppfylle krava må ein ofte ha ein oljeutskillar før prøvetakingskummen som separerer olje frå vatn. Oljeutskillaren består av ein tank der oljedropane får tid til å stige til overflata. Oljeutskillaren kan erstatte sandfang.
Søknadsskjema
Fyll ut søkandsskjema
Send skjemaet med nødvendige vedlegg til postmottak@surnadal.kommune.no eller Surnadal kommune, Bårdshaugvegen 1, 6650 Surnadal.
Om det blir bygd eit nytt oljeutskille må ein i tillegg søke om byggeløyve.
Unntak og dispensasjon
Det er i unntakstilfelle mogleg å få dispensasjon frå krava i den lokale forskrifta. Skriv i søknaden kvifor det ikkje er mogleg eller nødvendig å oppfylle grunnkrava.
Kva kostar det?
Vedlikehald og rapportering
Har du utslepp må du kunne vise at du overheld utsleppskravet når kommunen ber om det. Kravet på oljeinnhald er < 50 mg/l i samsvar med forureiningsforskrifta, men nokre utsleppsløyve har strengare vilkår.
Har du påslipp til kommunalt avløpsnett er det krav om minst ei vassprøve i året for å analysere oljemengde. Ved stikk-kontrollar kan også andre stoff bli analyserte. Sandfang og oljeutskillar skal også tømmast minst ein gong i året. Det skal sendast ein årsrapport for året før til kommunen innan 1. februar. Rapporten skal innehalde:
- Tømmerapport for oljeutskillar som opplyser om tømt volum inkl. dokumentasjon på at alle renseanleggets volum er tømt.
- Analyserapportar frå tekne vassprøvar.
- Inspeksjonsrapport kor heile renseeininga med eventuelle feil og manglar omtalast.
Ved rapportering skal dette skjema blir brukt (PDF, 560 kB), i tillegg skal analyse-, inspeksjons- og tømmerapport leggast ved.
Olje, slam og sand som samlast i oljeutskilje og sandfang er farleg avfall og handteringa er regulert av avfallsforskrifta kapitel 11. Det inneber mellom anna krav om tømming kvart år om det samlast opp meir enn eit kilo avfall i året. Dei fleste oljeutskillere må derfor tømmast minst ein gong i året.
Nyttige lenker
Forurensningsloven
Forureiningsforskrifta
Avfallsforskrifta
Lokal forskrift om påslipp av oljehald avløpsvatn
VA-blad 120
NORVAR-rapport 156