Skulefritidsordning (SFO)

Søknad om plass på SFO

• Alle barn på 1.-4.årstrinn, og barn med særskilde behov på 1.-7.årstrinn har rett til tilbod før og etter skuletid.
• Påmelding skal sendast elektronisk
• Påmeldinga blir behandla administrativt av rektor/dagleg leiar.
• Påmeldingsfristen om våren blir sett til 1. mai.
• Suppleringsopptak skjer gjennom heile året så sant det er plass.
• Endringar i opphaldstida må skje skriftleg med ein månads varsel, gjeldande frå den første i kvar månad. Melding om endra opphaldstid må gjerast skriftleg på elektronisk skjema.

Redusert foreldrebetaling blir gitt til husholdningar kor SFO-pris utgjer meir enn 6% av husholdninga si samla inntekt. Det må søkjast på nytt kvart år.

Søk redusert foreldrebetaling

Du kan få reduksjon i foreldrebetaling i SFO på grunn av låg inntekt for elevar på 1. og 2. trinn. For å få redusert foreldrebetaling må du sende inn søknad. 

• Ingen familiar skal måtte betale meir enn 6% av den totale årsinntekta for ein SFO-plass for elevar på 1. og 2. trinn.
• Prisen for ein heil plass i SFO er kr. 2700,- frå 01.01.2022.
• Dersom hushaldninga har samla årsinntekt under kr. 495 000,- har ein krav på reduksjon i betaling.
• Det må søkjast for eitt skuleår om gongen.
• Det skal betalast for 11 månader pr. år (juli er betalingsfri månad). 
• Søknadsfrist for å få reduksjon for skuleåret 2020/2021 er 31. august
• For søknader som er motteke etter 31. august blir vedtaket gjeldande frå den 1. i påfølgande månad

1. Det blir gitt søskenmoderasjon med 30% for søsken nr. 2 og 3 i SFO. For fleire søsken er det 50% moderasjon.  Det skal betalast 100% for det barnet som har det dyraste tilbodet.
2. Det blir gitt søskenmoderasjon i SFO for søsken som går i barnehage med 30% for søsken nr. 2 og 3.  For fleire søsken er det 50% moderasjon.  Det skal betalast 100% for det barnet som har det dyraste tilbodet i barnehage eller SFO.
3. Opphaldstida blir utrekna etter dei øktene barna er påmelde og ikke etter faktisk tid dei nyttar tilbodet.  Øktene er opningstid til skulestart og skuleslutt til stengetid.
4. Dersom SFO har kapasitet til å ta imot andre enn dei som er fast påmelde, er det i løpet av eit skuleår høve til å kjøpe enkeltdagar eller enkelttimar i skulefritidsordninga.  Det blir ikkje gitt søskenmoderasjon for dette tilbodet.

Alle elevar på 1., 2. og 3. trinn med SFO-plass, skal få 12 timar gratis SFO per veke. 

Dette følger av § 1B-4. Med «timar» i bestemmelsen, meines klokketimar på 60 minutt.

Kven kjem inn under ordninga?

Alle første-, andre- og tredjeklassingar som er innvilga SFO-plass er omfatta av ordninga. Dette gjeld både elevar som har heiltids- og deltidsplass i SFO. Dersom eleven vel å berre bruke SFO 12 timar i veka skal tilbodet vere gratis for eleven. 

Ein melder seg på dei ordinære SFO-øktene ein ønskjer å bruke, og får fråtrekk for
dei første 12 timane ein er påmeld.

Øktene reknast tidsmessig frå opningstida til SFO og fram til
skulestart om morgonen på den enkelte skule, og frå skuleslutt til kl. 16.30 kvar dag.

For dei som er påmeld økter som utgjer fleire timar enn dei 12 gratis timane, betalar resten av
opphaldstida etter vedtekne betalingssatsar. Dette blir automatisk ordna gjennom fagsystemet Visma Flyt Skole, og vil bli synleg på fakturaen. 

Dersom ein er påmeld mindre enn 12 timar, vil ein ikkje få faktura.

Skulefritidsordninga skal vere noko anna enn skule og barnehage, og ho er ikkje ein del av skulen.

SFO skal vere ein trygg opphaldsplass for barna utover skuletida, gje barna omsorg og tilsyn, legge til rette for leik, kultur- og fritidsaktivitetar og vere tilpassa barna og foreldra sine behov.

Skolefritidsordningen (SFO)- regjeringen.no

SFO vedtekter med verknad frå 01.08.24 (PDF, 225 kB)