Inviterer til folkemøte om Orkdalspakken

Onsdag 19. februar blir det folkemøte for innbyggarar, næringsliv og andre interessentar i Rindal og Surnadal kommunar. Orkdalspakken omfattar mellom anna utbetring av flaskehalsar på vegstrekningane Orkanger – Storås – Skei og Storås – Berkåk.

Tid og stad: 19. februar kl. 18:00 i Rindalshuset, Rindal sentrum.

Orkdalspakken er eit vegprosjekt med mål om å fjerne flaskehalsar og ruste opp viktige fylkesvegar for å skape trafikksikre koplingar til riksvegnettet for folk og næringsliv i regionen. 

Styringsgruppa for prosjektet vart konstituert 7. februar 2022, og har bestått av ordførarar og administrativ leiing i berørte kommunar og fylkeskommunar. Kommunestyret i Surnadal bevilga i 2022 kr. 80.000 til forprosjektet 2023-2026.  

Arbeidet i forprosjekfasen har resultert i forslag til tiltak og bompengepakkar på følgande vegstrekningar:

  • Fv. 65 Skei - Storås – Orkanger
  • Fv. 700/701 Storås – Berkåk
  • Fv. 710 Gjølme – Valset

Innsatsen vil mellom anna rette seg mot smale vegar, uoversiktlege svingar, bratte stigningar og skredutsette strekningar. 

Foto. Utforkøyring lastebil. - Klikk for stort bilde John J. Storholt. Eit vogntog har velta på fylkesveg 65.

På ifolkemøtet 19. februar vil Trøndelag fylkeskommune presentere resultat frå forprosjektfasen og vegen vidare for Orkdalspakken med vekt på konsekvensar for Rindal og Surnadal kommunar.  

Kommunane ønskar med dette både å informere og få tilbakemeldingar frå innbyggarane om korleis kommunane bør forhalde seg vidare i vegprosjektet.

Prosjektets nettside hos Trøndelag fylkeskommune

Presentasjon frå Trøndelag fylkeskommune: Orkdalspakken. Historikk og prosess for forprosjektet og vegen vidare. (PDF, 6 MB)