Personal og stab er ei tverrfagleg avdeling med ansvar for desse fagområda:
- Personalavdeling
- Arkiv og dokumentsenter
- Politisk sekretariat
- Kommunikasjon og service
Personalavdeling
Avdelinga si viktigaste oppgåve er å legge til rette for at Surnadal kommune når målet om å vere ein attraktiv arbeidsgivar. Dette oppnår vi gjennom lokal arbeidsgivarstrategi, aktiv rekruttering, kompetanseutvikling, personaloppfølging, samt juridisk kompetanse jamfør lov- og avtaleverk.
Avdelinga er involvert i rekruttering av ny arbeidskraft frå annonsering, via intervju fram til formell tilsetting og registrering i personalarkivet. Tenestekvalitet og rasjonell bruk av personalressursane blir utvikla og forbetra gjennom systematisk og bevisst satsing på tilsette sin kompetanse. Vår avdeling har ansvar for at det blir utvikla ei plan for aktivitet og tiltak innan opplæring og utvikling, og for oppfølging av denne plana.
Arkiv og dokumentsenter
Felles arkivteneste som har ansvar for kommunen sitt sak-/arkivsystem. Støttefunksjon når det gjeld rutinar, opplæring og arkivfagleg rådgiving til kommunen si leiing og alle einingar. Sikrar at kommunen utfører oppgåver i samsvar med reglar for arkiv og offentlegheit. Tar vare på våre innbyggarar sin rettigheitsdokumentasjon.
Politisk sekretariat
Legg til rette for gjennomføring av politiske møte for kommunestyre, formannskap og ei rekkje nemnder, råd og utval. Politisk sekretariat gjer klar sakspapir før og etter politiske møte og sørger for at desse blir tilgjengelege på nett. Administrerer fritak og supplering av folkevalde. Valgjennomføring. Andre støttefunksjonar for ordførar og kommunedirektør.
Kommunikasjon og service
Sørgar for løpande intern og ekstern kommunikasjon til innbyggarar og presse. Publikumsmottak og sentralbord. Råd og rettleiing inn til kommunale tenester. Bistår organisasjonen i kommunikasjonsrådgiving, mediestrategi, innhaldsproduksjon, annonsering og publisering. Beredskapsinformasjon.