Kven kan få tilbodet?

Surnadal vaksenopplæring tilbyr ei 3-årig eksamensretta opplæring for personar som har rett til gratis grunnskuleopplæring. Det er oppstart på tilbodet kvar haust. Dette gjeld for følgjande personar:

• dei som er over opplæringspliktig alder
• dei som har behov for grunnskuleopplæring
• dei som har lovleg opphald i landet

Retten til grunnskule for vaksne gjeld og for dei som har fullført grunnskule, men som likevel treng meir grunnskuleopplæring.

For å gi eit best mogleg tilpassa opplæringstilbod, vil den enkelte søker bli kalla inn til ei kartleggingssamtale.

Kva tilbyr vi?

Det er undervisning i dei fem faga som er nødvendige for å få grunnskulevitnemål for vaksne.

Skriftlege fag: norsk, matematikk og engelsk

Munnlege fag: naturfag og samfunnsfag

Opplæringa avsluttast med ein skriftleg og ein munnleg eksamen.

Søknad om grunnskuleopplæring for vaksne: Ta kontakt med rådgjevar for å få eit søknadsskjema.