Kva har du rett til?
- Du har rett til å sjå journalen din.
- Du har rett til å vite kven som har sett journalen din.
- Du har rett til å vite kven som har fått opplysningar frå journalen din.
Pårørande eller andre med fullmakt kan også ha rett til journalinnsyn.
Innsyn i journal i Helseplattformen
Surnadal kommune nyttar Helseplattformen som journalsystem for kommunale helse- og omsorgstenester, med unntak av fastlegejournal.
For å gjere innsyn enklare blir innsynsbegjæringar handterte av Helseplattformen sin pasientjournaladministrasjon på vegner av kommunen. Du kan be om innsyn på følgande måtar:
Via HelsaMi
- Logg inn i HelsaMi
- Vel “Dokumenter og vedlegg”
- Vel “Innsyn i journaler”
- Følg rettleiinga vidare
Via skriftleg skjema
Du kan også sende inn skjema for journalinnsyn til Helseplattformen sin pasientjournaladministrasjon.
Skjema og informasjon finn du på Helseplattformen sine nettsider. Utfylt skjema skal sendast til adressa som er oppgitt i skjemaet.
Oversikt over ulike skjema og informasjon (Helseplattformen)
- Vi gjer merksam på at det er lang saksbehandlingstid hos Helseplattformen sin journaladministrasjon.
- Treng du hjelp til å skrive ut skjema kan du ta kontakt med sørvistorget i kommunen.
Kommunen sitt ansvar
Sjølv om Helseplattformen blir brukt som journalsystem og handterer innsynsbegjæringar på vegner av kommunen, er Surnadal kommune ansvarleg for journalopplysningar som blir oppretta som ledd i kommunale helse- og omsorgstenester.
Dersom du har spørsmål om innsyn eller treng hjelp til å fremme ei innsynsbegjæring, kan du kontakte kommunen.
Innsyn i fastlegejournal
Den kommunale legetenesta er ikkje tilknytta Helseplattformen. For å be om innsyn i fastlegejournal kan du henvende deg til kommunen. Informasjon om våre rutiner for å begjære innsyn.
Vi oppfordrar til bruk av sikker digital post (eDialog).
Relevant informasjon: