Det er i dag akkurat 20 år sia kulturhuset vart offisielt opna. Jubileet vil bli markert seinare i vinter, da ein forhåpentleg opplever ein meir «arrangement-venleg» periode.
Kulturstyret la inn kulturhus i sitt langtidsbudsjett i 1987.
Og det skulle gå lang tid før endeleg vedtak om bygging vart fatta: Kommunestyret gjekk i desember 1998 inn for bygging av kulturhus med ei kostnadsramme på 51 mill. kr.
Arbeidet starta opp våren 2000, og ein kom i mål med ein byggekostnad på 51,7 mill. kr.
Det vart ei «snikopning» av kinoen i julehøgtida 2001.
Høgtid vart det absolutt også 18. januar 2002, da huset vart opna av Sonja Sjøli, leiar av kulturkomiteen på Stortinget.