-Det blir spennande å tre inn i rollen som kommuneoverlege i kombinasjon med tilsynslege, seier Arne Opdahl. Han var på bli kjent-runde i administrasjonen i dag, saman med Ann-Elin Stenberg, einingsleiar i Helse og familie.
I jobben som kommuneoverlege og tilsynslege på sjukeheimen får han bidra med erfaring og kompetanse inn i dei faga han brenn mest for, nemleg samfunnsmedisin og eldreomsorg. Arne har spesialisering i allmennmedisin og samfunnsmedisin.
-Surnadal har gitt meg eit positivt inntrykk frå tidlegare erfaringar og eg håpar å kunne bidra positivt inn i kommunens arbeid som medisinskfagleg rådgivar, seier Opdahl.
Vi ønsker Arne Opdahl velkommen som vår nye kommuneoverlege.