Om støtteordninga KvardagsGLEDE
Surnadal sanitetsforening har i samarbeid med Sparebank 1 SMN og Surnadal kommune oppretta støtteordninga KvardagsGLEDE. Ordninga skal hjelpe familiar med ulike utfordringar slik at alle barn og unge kan delta på lik linje i kommunen vår.
Kven kan søke?
Støtteordninga er retta mot f. eks einslege forsørgarar, familiar med langvarig sjukdom, arbeidsløyse eller andre situasjonar som gjer kvardagen utfordrande.
Kva kan støtteordninga dekke?
Støtteordninga kan bidra til å dekke
- deltaking i fritidsaktivitetar som f. eks idrett, musikk eller andre kulturtilbod
- læringsopplevingar som kurs, arrangement eller utstyr
- enkle opplevingar i forbindelse med sommarferie, som Opp&Ut, Valsøya, iTrollheimen, Orklandbadet eller anna
- andre nødvendige utgifter knytt til barn og unge si utvikling
Korleis søke?
Søknadsprosessen er enkel og tilgjengeleg for alle:
- Ta kontakt med familieveiledar Rita Helen Aarnes personleg eller på telefon: 94854540
- Skriv ut eller hent søknadsskjema på Familiens Hus eller i bladhylla i Sørvistorget, fyll ut og levere til Rita
- Last ned søknadsskjemaet her (PDF, 123 kB)
Søknadsfrist og tildeling
Støtteordninga har rullerande tildeling gjennom heile året. Alle søknadar blir behandla konfidensielt, og det blir lagt vekt på å fordele midlar rettferdig til dei med størst behov.
Støtten gis av SpareBank 1 SMN og Surnadal Sanitetsforening, og blir administrert av eininga Helse og Familie i Surnadal kommune. Målet med stipendet er å gi barn og unge moglegheiter til opplevingar og meistring, uavhengig av familiens økonomiske situasjon.
Velkommen som søkar!