5. oktober – frist for påmelding til innsamling av landbruksplast
Innsamlinga skjer onsdag 7. oktober på to stader i Surnadal. Påmelding innan 5. oktober er nødvendig for å kunne levere plast.
Tid: Kl. 9.00-11.00
Stad: Rasteplassen rett sørvest for Skei (sentrum i Surnadal)
Tid: Kl. 12.00-14.00
Stad: Storhølvegen 3, 6652 Surnadal
15. oktober – søknadsfrist for produksjonstilskot (PT) og regionalt miljøtilskot (RMP)
Søknadsfristen for både produksjonstilskot og regionalt miljøtilskot er 15. oktober. Det er mogleg å gjere enkelte endringar fram til 29. oktober.
For produksjonstilskot minner vi særleg storfehaldarar om å telje dyra fysisk. Det er kjent at tal i Eana/Husdyrregisteret kan avvike frå det faktiske dyretalet, og tala bør derfor kontrollerast før søknaden blir sendt.
31. oktober – søknadsfrist for tilskot ved produksjonssvikt
Har du hatt produksjonssvikt på grunn av klimatiske forhold, er søknadsfristen 31. oktober. Hugs at skade skal meldast til kommunen via Altinn så snart han har oppstått.
Utfyllande informasjonsskriv til dei ulike punkta over (PDF, 5 MB)
Informasjon frå styret Surnadal beitelag:
Surnadal Beitelag ønsker å komme med ei oppfordring til alle som slepte dyr på utmarksbeite i 2026. Send inn opplysningar om kor mange som vart slept og sanka i 2026. Dette gjeld alle dyr både storfe og småfe.
Surnadal beitelag søker tilskot til organisert beitebruk (OBB). Vi betaler ut ein andel av dette til brukarane etter at kostnader er dekt. Spesifiser på antal vaksen og lam/kje/kalv. Send gjerne inn talla samtidig som søknad om produksjonstilskot slik at det ikkje blir gløymt.
Send inn opplysningane til noverande hovedsankebas Sigbjørn Hausberg. Enten pr SMS (95836105) eller e-post: sigbhausb@gmail.com. Siste frist: 01.11.2026.
Landbrukskonferansen 19. november
Vi minner også om Landbrukskonferansen 2026, som blir arrangert i Surnadal 19. november. Tema for årets konferanse er beredskap, landbruksøkonomi og sjølvleiing.
Meir informasjon om program og påmelding til Landbrukskonferansen