Avlastning
Du får tilbod om avlastning dersom du har særleg tunge omsorgsoppgåver. Dette for å hindre overbelastning, samt å gi deg nødvendig fritid og ferie og anledning til å delta i vanlege samfunnsaktivitetar.
Kva får du?
Du kan få døgn-, dag-, ferie-, privat- og institusjonsavlastning, avhengig av behovet som skal dekkjast.
Kvar kan avlastning bli gitt?
Avlastning kan bli gitt på ulike stader:
Avlastning for barn og unge:
- Heime hos deg/dykk (ein person kjem heim til deg/dykk og er saman med barnet medan du og/eller resten av familien er heime/borte)
- I heimen til avlastaren/besøksheimen
- I avlastningsbustad med personale som er tilsett i kommunen.
Avlastning for eldre:
- Avlastningsopphald ved Surnadal sjukeheim
Kva kostar det?
Avlastningstilbod er gratis.
Korleis søkje om avlastning?
Søknadsskjema ligg her.
Søknadskjemaet skal sendast:
Surnadal kommune ved Koordinerande eining
Bårdshaugvegen 1
6650 Surndadal
Kven kan vere avlastar/besøksheim?
Det kan enten vere ein person/familiemedlem som du/de foreslår eller ein som kommunen foreslår.
Kommunen må godkjenne vedkommande som er avlastar/besøksheim.
Ring eller ta kontakt med Koordinerande eining ved rådgjevar Elizabeth Miciano, dersom du vil jobbe som avlastar/besøksheim.