Beskriv kva du treng hjelp til, så vurderer vi kva tenester som passar best for deg. Avhengig av informasjon i søknad, vil saksbehandlar kunne ta kontakt med deg for vidare saksgang. 

Det er den som treng hjelp, eventuelt verge eller pårørande med fullmakt som digitalt signerer søknaden. Du kan få hjelp av helsepersonell eller andre til å fylle ut søknaden.

• Du må ha tilgong til ID-porten (BankID, BankID på mobil, Buypass, Commfides)
• Om verge eller pårørande loggar seg inn med ID-porten, må fullmakt leggjast ved.
• Last ned og fyll ut fullmakt her (PDF, 53 kB). 
• Fullmakta kan leggast ved søknaden som PDF (eller ettersendast).

Kontakt servicetorget eller koordinerande eining, så sender vi deg søknadsskjemaet.

Det er ikkje søknadsfrist, søknader blir behandla fortløpande

Du vil motta bekreftelse på innsendt søknad.
Svar på søknad kjem innan 4 veker.
Dersom vi ikkje klarer det, vil vi kontakte deg og fortelle kor lang tid vi trur det vil ta.

For å forsikre oss om at du får det tilbodet som passar best for deg, kjem vi vanlegvis på heimebesøk. Avtale om heimebesøk gjer vi med deg eller den du har gitt fullmakt.

Du kan få innvilga ein eller fleire helse- og omsorgstenester. Når du søkjer helse- og omsorgstenester er det koordinerande eining i kommunen som behandler søknaden.

Dersom du har behov for koordinering av helse- og omsorgstenester over lengre tid, kan du ha rett til å få utarbeida Individuell plan (IP) eller få tildelt ein koordinator.

Får du ikkje tilbod om helse- og omsorgstenester, vil vi gje deg ei begrunning for dette.
I svaret får du og informasjon om korleis du klagar. Saksbehandlaren din kan hjelpe deg med å klage.

• Kort- og langtidsopphald på sjukeheim
• Heimesjukepleie
• Psykisk helsearbeid
• Heimehjelp
• Dagsenter for eldre/psykiatri/buteneste
• Fysioterapi og ergoterapi
• Omsorgsbustad
• Pårørandestøtte (omsorgsstønad, støttekontakt, avlastningstiltak)
• Trygghetsalarm og matombringing
• Transportstøtte for funksjonshemma
• Brukarstyrt personlig assistent
• Individuell plan

Les meir her:

Helsedirektoratet si oversikt over nettsider og publikasjonar med informasjon om sentrale rettigheiter mm. i den kommunale helse- og omsorgstjenesta. (PDF, 484 kB)

Helsedirektoratet har i samband med etableringa av Kommunalt pasient- og brukarregister laga ei brosjyre om korleis kommunar behandlar personopplysningar.

Brosjyren kan du laste ned på både nynorsk/bokmål, samisk, engelsk og urdu frå Helsedirektoratet sine nettsider.