Ofte stilte spørsmål

Skatteseddelen blir sendt ut innan utgangen av februar.

Ja, dette er totalbeløpet for heile året. Beløpet er delt i 4 terminar.

Kommunale avgifter og eigedomsskatt skal betalast innanfor desse fristane:
20. april: 1. termin, faktura for kommunale avgifter og eigedomsskatt.
20. juni: 2. termin, faktura for kommunale avgifter og eigedomsskatt.
20. september: 3. termin, faktura for kommunale avgifter og eigedomsskatt.
20. november: 4. termin, faktura for kommunale avgifter og eigedomsskatt.

Dette er foreløpig ikkje muleg. Har du betalingsvanskar, kan vi likevel hjelpe deg med å dele opp den enkelte faktura. Du må då ta økonomiavdelinga. 

Du kan søke om kortvarig utsetting og/eller oppdeling av betaling av faktura for eigedomsskatt, slik gjer du det:

Logg deg inn på «Min side» som du finn her på heimesida.

• Her kan du søke om betalingsutsetting i ein månad. Søknaden må vere sendt før forfall på fakturaen. 
• Dersom du vil delbetale fakturaen, kan du gjere det ved å bruke same KID/kontoopplysningar som du finn på fakturaen din. Hugs å søke om utsetting av betaling FØR du delbetaler for å unngå purring.

Alternativ kan du ta kontakt med kommunen på e-post eller telefon.

• E-post: tove.dropping@surnadal.kommune.no. Telefon: 71 65 58 30
• Her kan du søke om endra betalingsfrist eller oppdeling av betalinga i inntil ein månad. Søknaden må vere sendt før forfall på fakturaen. 

Vi gjer merksam på at det vil bli rekna forseinkingsrenter på det beløpet som vert betalt etter opphavleg frist. Dette gjeld sjølv om du har gjort avtale om å få utsette/dele opp betalinga. Rentesatsen er 8 % p.a. Det gjeld både for kommunale avgifter og eigedomsskatt som vert betalt for seint.  

Faktura blir sendt til eigar, eller festar dersom eigedommen er bortfesta. Der det er fleire eigarar av ein eigedom blir fakturaen sendt til den som står registrert som rekningsmottakar i kommunen sine register. Dataprogrammet for kommunale avgifter veljer som hovudregel eldste eigar som fakturamottakar. 

Dersom du vil byte mottakar av fakturaen kan du sende ein e-post til: eigedomsskattekontoret@surnadal.kommune.no Den som skal motta faktura må vere eigar av eigedommen.  

For seksjonerte eigedommar gjeld følgjande:

• Kommunale avgifter (vatn, avløp, renovasjon og feiing) blir i dei fleste tilfelle fakturert samla til sameiget.

Eigedomsskattegrunnlaget bygger på faktaopplysningar som areal, byggeår og kva bygget blir brukt til, samt skjønnsmessige vurderingar.

NB! Det er viktig å understreke at eigedomsskattetaksering ikkje må forvekslast med tradisjonell verditaksering. Taksering i forbindelse med eigedomsskatt er ei form for massetaksering som gir meir "grovkorna" vurderingar enn ved tradisjonell verditaksering. Skatteobjekta skal berre synfarast utvendig. 

Er taksten realistisk ved sal i ein fri marknad utan hefte på eigedomen? Og er opplysningane på skatteseddelen korrekt for areal, byggeår og type bygning? Dersom det er feil her, må du kontakte kommunen eller Skatteetaten, avhengig av om det er kommunal takst på eigedomen, eller om det her er brukt bustadsverdien frå Skatteetaten. Du kan klage dersom du kan dokumentere at taksten er for høg i forhold til antatt omsetningsverdi. Sjå òg under punktet "Korleis kan eg klage?"

Alle som skal betale eigedomsskatt vil få ein skatteseddel i posten med informasjon om takst. På denne finn du informasjon om bygningane på eigedomen og kva areal som er lagt til grunn for utrekninga. Skattesetel er berre informasjon, ikkje ein faktura.

Vidare finn du informasjon om kva du skal betale i eigedomsskatt, klagefrist og kvar du skal sende klagen. Skattesetelene blir sendt ut i slutten av februar.

Du kan klage dersom du kan dokumentere at taksten er for høg i forhold til antatt omsetningsverdi. Ved andre feil eller spørsmål, ber vi om at du tek kontakt med kommunen før du eventuelt sender inn ein klage. Dette kan for eksempel vere faktafeil på areal eller kva bygninga blir brukt til. Klagefrist er 6 veker frå skattelista vert offentleggjort eller skattesetel vert sendt ut.

Eventuell klage skal vere skriftleg. Klage skal merkast med gards- og bruksnummer, eventuelt også feste-/seksjonsnummer og kontaktinformasjon.

Klagen kan sendast til 

Surnadal kommune
Eigedomsskattekontoret
Bårdshaugvegen 1
6650 Surnadal. 

Du kan også sende elektronisk til eigedomsskattekontoret@surnadal.kommune.no

Meiner du at Skatteetaten sin bustadverdi (formuesgrunnlaget) er feil, må du kontrollere opplysingane Skatteetaten har om bustaden din: Primærareal (P-ROM), byggeår, og bustadtype. Desse faktaopplysingane finn du under "Grunnlag for likningsverdi" i skattemeldinga. Hugs å legge saman bustadsverdiane dersom det er fleire som eig bustaden saman.

Du kan eventuelt korrigere informasjonen sjølv i skattemeldinga. Endringar av slike faktaopplysningar vil normalt sett først få innverknad på eigedomsskatten året etter.  Eigedomsskattekontoret les inn endringar frå Skatteetaten i vårt dataprogram før kvar fakturering (kvar termin). 

Les meir om dette på Skatteetaten sine nettsider.

Kommunen sender ut faktura på eigedomsskatt på fastlagde datoar. Den som står registrert som eigar på produksjonsdatoen for fakturaen, er dermed mottakar av denne. Dersom du nyleg har overtatt ein eigedom, kan det vere at du får ein faktura som tidlegare eigar burde vere ansvarleg for. Dette må du ta opp med meklar og tidlegare eigar.

Dette er på grunn av ein privatrettsleg avtale mellom deg og hytte-/nausteigaren. Dersom det ikkje finnst opplysningar hos oss om kven som eig bygninga, så er det grunneigar som i utgangspunktet må betale eigedomsskatten.

Ein måte å få denne avgifta over på hytte- eller nausteigar, er å tinglyse heimelsovergang på eigedomen.

Du kan òg undersøke om du får skilt ut ei festa tomt eller punktfeste. Når dette er gjennomført, vil eigedomsskatten bli flytta til rett eigar.

Eigedomsskatteloven tek ikkje stilling til privatrettslege avtalar.

Det er den som blir sett på som eigar av tomta som må betale eigedomsskatt. I utgangspunktet er det difor bortfestar (grunneigar) som er ansvarleg for eigedomsskatt på grunn, og festar ansvarleg for eigedomsskatt på bygningar og anlegg som høyrer til festaren.

For festeavtalar som varer utover 99 år, eller når festaren har ein einsidig og uavgrensa rett til å kreve forlenging av festeavtalen, må festaren sjåast på som eiger av tomta, og er difor ansvarlig også for eigedomsskatten på grunnen.

For å avgjere kven som skal betale eigedomsskatt for festetomt i det enkelte tilfelle, må ein difor sjå på den aktuelle festekontrakta jamført med reglane i tomtefesteloven.

Reglar om festetid, innløysing og forlenging av festeavtalar for bustad og fritidsbustader finn vi i tomtefesteloven §§ 7, 32 og 33. Kommunen har inga mynde når det gjeld tomtefesteloven. Ved langsiktige festeavtalar, typisk for bustad – og fritidsbustadar, vil det vere festar som må svare for eigedomsskatten.

Nokre eigedommar skal ha fritak, desse følgjer av eigedomsskatteloven § 5. Her inngår dei fleste kommunale og statlege eigedommar.

Andre eigedommar kan få fritak av kommunestyret i medhald av eigedomsskatteloven § 7. a og b. Dette kan t.d. vere eigedommar eigd av velgjerande organisasjonar og stiftingar, t.d. sportsklubbar og museum, samt eigedommar med historisk verdi.  

Søknad om fritak etter § 7a og b kan rettast til Eigedomsskattekontoret, som utarbeider innstilling i saka. Innstillinga blir deretter oversendt Kommunestyret som fattar endeleg vedtak, for eitt år om gongen.

• Eigedomsskattelova § 5 fritak (Lovdata)
• Eigedomsskattelova § 7 fritak (Lovdata)

Sjå fritaksliste for eigedomsskatt i Surnadal kommune 2025

Søknad sender du til

Surnadal kommune
ved Eigedomsskattekontoret
Bårdshaugvegen 1
6650 Surnadal

Det er svært strenge vilkår for å få nedsett eller ettergjeve eigedomsskatt. Eigedomsskatten kan i medhald av eigedomsskattelova § 28, bli nedsett eller ettergjeve etter søknad.  § 28 i eigedomsskattelova seier: 

“ Gjer særlege grunnar at det kom til å verta særs urimeleg om heile eigedomsskatten vart innkravd, kan skatten setjast ned eller ettergjevast av formannskapet.”  Eigedomsskattelova (Lovdata)

Individuell vurdering

Skattytaren har ikkje krav på nedsetting eller ettergjeving. Dette blir avgjort av formannskapet i kvart enkelt tilfelle, og for eitt år om gongen. 

I behandlinga av eventuell søknad gjer vi ei individuell og konkret vurdering av søkarens behov for nedsetting eller ettergjeving. Følgande faktorar kan tas med i vurderinga:

• inntekter og bankinnskudd
• aksjer/fond
• andre eigedommar
• anna formue. gjeld
• andre eigarar
• eigedommens verdi

Søknaden må innehalde

• Utfylt søknadsskjema
• Grunngjeving for søknaden og relevant dokumentasjon

Last ned søknadsskjema (PDF, 47 kB)

Søknaden skal sendast pr post til:

Surnadal kommune
ved Eigedomsskattekontoret
Bårdshaugvegen 1
6650 Surnadal