Kva tilbyr vi?
Bu- og aktivitetstenesta er ein del av dei heimebaserte omsorgstenestene i Surnadal kommune. Vi gir helse- og omsorgstenester til personar som treng hjelp og oppfølging i kvardagen.
Målgruppa vår er først og fremst personar med langvarige og omfattande behov for bistand. Tenesta omfattar helsehjelp, opplæring og praktisk bistand, tilpassa behova til den enkelte.
Målet er å gi nødvendig hjelp og støtte i kvardagen, og leggje til rette for at den enkelte kan vere mest mogleg sjølvstendig ut frå sine føresetnader.
Bu- og aktivitetstenesta gir tilrettelagde dag- og aktivitetstilbod ved Sommerrotunet aktivitetshus. Tilbodet er for vaksne med utviklingshemming og/eller andre samansette bistandsbehov.
Les meir om aktivitetstilbodet ved Sommerrotunet aktivitetshus.
Les meir om ulike tenester til personar med nedsett funksjonsevne.
Korleis få tilbodet?
Det er eit felles søknadskjema for alle helse- og omsorgstenester i Surnadal kommune. Du kan søke digitalt via HelsaMi frå nettlesar eller app på mobilen. Er du ikkje digital brukar kan du bruke papirskjema.
Du finn all nødvendig informasjon på denne sida.
Kontaktinformasjon Bu- og aktivitetstenesta