Logopedtenester

Logopeden har ansvar for å hjelpe barn i både barnehagar og skular i kommunen. 

Barn kan bli utreda og følgd opp av logoped dersom barnet har vanskar med språk knytt til bruk, form eller innhald: 

• vanskar med språkleg bruk inneber språk i sosial samanheng
• vanskar med språkleg innhald er knytt til betydninga eller meininga i ord og setningar (for eksempel vanskar med språkforståinga, språkbearbeiding og ordforråd)
• vanskar med språkleg form er vanskar med uttale og grammatisk form på lyd-, ord- og setningsnivå

Strevar barnet ditt med å uttale R-lyden kan du ta kontakt med logopeden for å motta øvingshefte og digitalt kurs der du stegvis kan lære rulle-R.

Hugs å sjekke høyrselen til barnet før du tek kontakt med logoped.

Logopeden kan utreie og følgje opp dersom barnet:

• strevar med uttale av språklydar
• har stemmevanskar (hesheit, svak stemmekraft mm.)
• strevar med taleflyt (stamming og løpsk tale)
• har svelgjevanskar (f.eks. spisevansker)
• har munnmotoriske vanskar (beveging og muskelkontroll i tunge og lepper)

Logopeden vurderar kva slags oppfølgjng barnet kan få. Enkelte barn vil ha nytte av direkte trening med logoped, medan andre vil ha nytte av indirekte språkstimuli med sine nærpersonar. Slik oppfølging kan bestå av:

• introduksjon og instruksjon til heimeøving
• direkte veiledning til foresatte og barnehage/skule
• direkte intervensjon av logoped med barnet

Dersom du er usikker på om barnet treng hjelp frå logoped kan du drøfte dette med barnehagen eller skulen. Dei kan hjelpe deg med henvising. Du kan også kontakte logopeden direkte med spørsmål du har.