Betre informasjonsflyt for innbyggar og helsepersonell
For å gi deg god helsehjelp må rette helsepersonell ha rett informasjon om deg til rett tid. I dag er informasjon om deg lagra i ulike system, som ikkje automatisk snakkar saman, f. eks på helsestasjon, i heimetenesta, hos fastlege eller på sjukehuset.
Helseplattformen er ei ny samhandlingsløysing for heile helsetenesta i Midt-Norge. Helseplattformen består av eit felles journalsystem for helsetenestene og ein tilhøyrande innbyggarportal - HelsaMi.
Helseplattformen har som målsetting å gi auka kvalitet i pasientbehandling, betre pasienttryggleik, meir brukarvennlege system og dermed sette helsepersonell i stand til å utføre sine oppgåver på ein betre og meir effektiv måte.
Vil du vite meir om Helseplattformen?
Gå til spørsmål og svar om Helseplattformen
Innføring av Helseplattformen i Surnadal kommune
Helseplattformen er eit stort samhandlingsprosjekt som vil påverke mange, både tilsette i helsevesenet, pasientar og brukarar.
Interessentar og innbyggarar blir informerte om konkrete endringar dei blir berørte av når dette blir aktuelt.
Kommunestyret i Surnadal vedtok den 15.06.2023 å slutte seg til tenesteavtale med Helseplattformen AS.
Vis aktuelle saksdokument
Helse Møre og Romsdal innfører helseplattformen 27. april og Surnadal kommune tar den i bruk 9. november 2024, saman med Smøla, Heim, Sunndal, Tingvoll og Hitra.
Helseplattformen AS legg opp til eit fast innføringsløp i tett samarbeid med kommunane. Fram til 9. november skal kommunehelsetenesta førebu seg godt fagleg, teknologisk og organisatorisk.
Dei første som tok i bruk Helseplattformen i Møre og Romsdal var Kristiansund, Hustadvika, Molde, Rauma, Aukra, Vestnes, Fjord, Rindal og Sula.
Styringsgruppa har det overordna ansvaret for innføring i eigen kommune, samt å beslutte korleis arbeidet skal organiserast og utøvast.