I Surnadal har vi tre tilskotsordningar innanfor kulturområdet.
Kulturmidlar
Dette er eigentleg driftsmidlar, men det er òg muleg å søkje på desse midlane om ein treng litt ekstra til oppussing av grendehus, ball- og leikeplassar og liknande. Kulturmidlar er årlege midlar og søknadsfristen er 30. april. Desse midlane er delt opp i tre område:
- idrett- og skyttarlag
- song- og musikklag
- andre lag og foreiningar
Tildeling frå posten kulturmidlar i perioden 2017 - 2022:
Det er formannskapet som vedtek fordelinga av kulturmidlane. Tidlegare har Surnadal idrettsråd fordelt midlane som går til idretts- og skyttarlag, men ei endring i kommunelova har ført til at dei ikkje kan gjere vedtak i saka. Dei vil framleis vere eit høyringsorgan på tildeling av kulturmidlar.
Retningsliner for kulturmidlar i Surnadal kommune
1. Generelle vilkår:
1.1 Ved søknad til formannskapet kan det ytast stønad til lag og organisasjonar som driv eller vil starte kulturtiltak i Surnadal kommune.
1.2 Lag som har aktivitet retta mot, og blant barn, ungdom og funksjonshemma skal prioriterast.
1.3 Lag og foreiningar som mottek stønad, forpliktar seg til å akseptere følgjebevis til sine arrangement.
1.4 Søknadsfrist er 15. april kvart år.
2. Stønadsformer
2.1 Kulturmidlar blir gitt til administrasjon og drift av lag, når verksemda er kontinuerleg. Som hovudregel blir kulturmidlar berre gitt til hovudlaget, det vil seie ikkje til undergrupper. Storleiken på stønaden blir å vurdere ut frå formannskapets eige skjønn, medlemstal under 20 år, aktivitetsomfang og kven aktiviteten rettar seg mot, og elles kostnadsnivå ved drift av laget.
3. Idretts- og skyttarlag
3.1 Lag som får stønad må vere medlemmar i NIF eller DFS.
3.2 Viser til: 1. Generelle vilkår og 2. Stønadsformer
3.3 Surnadal Idrettsråd lagar innstilling på tildeling av midlar til medlemslaga innan sin søknadsgruppe (endre pga ny lovgiving).
4. Song og musikklag
4.1 Lag og foreiningar som lønar dirigent vil bli prioritert til stønad.
5. Andre lag
5.1 Viser til punkt 1. Generelle vilkår.
6. Stønad til forsamlingshus
6.1 Forsamlingshus kan ytast stønad til vedlikehald, mindre opprustningstiltak og ordinær drift. Hus som er opne for all lovleg kultur- og organisasjonsverksemd skal prioriterast. Ved vurdering av søknaden vil det bli lagt vekt på aktivitet retta mot born - og unge.
7. Oppstartstilskott
7.1 Oppstartstilskott kan ytast til nystarta lag. Oppstart av nye grupper/aktivitetar innan eit eksisterande lag gir ikkje rett til slik stønad.
Maksimal stønad er kr 1 000. Laget bør ved starten ha minst 10 medlemmar.
Søknadsfrist: 30. april (Endra etter ønske frå Surnadal idrettsråd)
Vedtatt i kulturstyret 29. mai 1997. med endringar 30.01.02 og 14.03.06, samt endringar vedteke i formannskapet 28.10.2008
De finn skjema for kulturmidlar her.
Retningsliner for tilskot til ball- og leikeplassar
Formålet med tildeling av tilskott til ball- og leikeplassar er at velforeiningar og grendelag skal få offentlege midlar for å byggje eller utbetre ball- og leikeområde nær bustadområda. Kommunen kan maksimalt gå inn med 50 prosent av totalkostnaden. Det er fastsett eigne satsar for berekning av dugnad. Dette går fram av søknadsskjemaet.
Retningsliner for tilskot leikeplassar
1. Lag kan søkje om tilskott til opparbeiding og restaurering av leikeplassar. Søknadssummen kan maksimum utgjere 50% av totalkostnaden (medrekna dugnad).
2. Søknadsskjema finns elektronisk
3. Søknadsfrist: 30. april
Midlane blir belasta utbetalt mot dokumentasjon av utgifter, prosjekta må vere fullført og dokumentasjon tilsendt kommunen innan 1. oktober tildelingsåret.
Kulturtilskot
Dette er ein sekkepost der det blir plasser mange forskjellige typar tilskot, slik som faste årlege driftstilskot, avtale om løypeoppkjøring, faste årlege tilskot til festivalane, støtte til 17. mai arrangement.
Frie midlar
Har to søknadsfrister; 15. mars og 15. september. Beløpet er det formannskapet som bestemmer med vedtak kvart år.
Søknadsskjema
Faste årlege tilskot
Dette er tilskot som kjem av politiske og administrative avtalar som er gjort med privatpersonar, lag og organisasjonar (og festivalar).
Tildeling av kulturtilskot i perioden 2017 - 2020
* Midlane i denne tenesta er flytta til "Diverse kulturtiltak" frå og med 2019.
Kleivafondet
Midlane i Kleivafondet kjem frå renteinntekter på fondet etter Hans Hyldbakk. Det er ikkje kvart år det er nok renteinntekter til å lyse ut desse midlane. Når dei blir lyst ut, blir tilskotet tildelt organisasjonar eller enkeltpersonar. Denne ordninga har ikkje eit skjema til utfylling, ein søkjer direkte til Kleivafondet (Surnadal kommune).
Tilskotet skal i følgje vedtektene §2: "... fremja kulturelle og lokalhistoriske føremål innafor kommunen, unnateke fotball og stjerneidrett. Forutan tildeling av midlar etter søknad, kan styret på eige initiativ gje stønad eller påskjønning til einskildpersonar som har gjort eller gjer ein innsats for kultur og bygdasoge på ulønt og frivillig basis..." Søknadane blir behandla av Kleivastyret. Kleivastyret består av medlemmene i formannskapet.
Vedtekter for Kleivafondet (DOC, 23 kB)