Vaulen er ein kommunal eigedom på 7670 mål som ligg i naturskjønne omgivelsar på Nordmarka i Surnadal. Garden ligg på ei høgde mellom Krokvatnet og Solåsvatnet med fritt utsyn over vatn og fjell. Det budde drivarar på Vaulen fram til 1717. Det er om lag 4 km å gå til Vaulen frå vegenden frå Krokvatnet eller frå Solåsvatnet. Stiane er merka.
Husa på Vaulen er restaurert i 2002 - 2004 med ein omfattande dugnadsinnsats. Husa er gjort i stand til utleige med sengeplassar til 20 personar. Vaulen i dag passar ypperleg for både store og små, og særleg for skuleklassar og grupper. Vaulen er eit statleg sikra friluftslivsområde.
Familien Chaworth-Musters
På slutten av 1800-talet vart Vaulen kjøpt av den velståande engelskmannen John Patricius ("Patrick") Chaworth-Musters (1860-1921). Jakt- og fiskeinteressa førte han til Norge. Han bygde ein lodge i Lysne i Lærdal, eit stort bustadhus på Årnestrøa og sommarhus på Vaulen. John var ein ivrig samlar av fugleegg og utstoppa dyr.
John og kona Mary Anne Sharpe ("Polly") hadde 11 barn og 3 vart fødde i Norge. Mary Anne var hushjelp i den rike familien og dei to levde litt i eksil i Norge inntil faren døydde og dei kunne gifte seg i 1888 og flytte tilbake til Nottinghamshire kor familien var store landeigarar. John hadde høg militær rang og mista tre soner under første verdenskrig.
Den yngste sonen James Lawrence (“Jim”) Chaworth-Musters (1901-1948) snakka flytande norsk og budde i periodar på Vaulen. Han var medlem i Royal Geographical Society, reiste på mange vitenskapelege ekspedisjonar og var spesielt interessert i fuglar og pattedyr. Under andre verdenskrig verva og trente han unge norske menn til spesialoppdrag for SOE og var sentral i etableringa av Kompani Linge.
Les meir om den spennande historia til familien Chavorth-Musters hos University of Nottingham og om James Lawrence Chaworth-Musters si rolle i SEO og Kompani Linge på Wikipedia
Leigesatsar på Vaulen
- For alle grupper uavhengig av antal personar er leiga på kr 2000,- pr natt. Denne prisen inkluderer leige av kano/båt.
- Dersom små grupper godtek at det kan koma fleire leigetakarar blir prisen pr. natt pr. person kr 100.-. Barn under 12 år kr 50.-
- Leige av kano/båt pr. dag/døgn kr. 40,- ( inkl. bensin til båt).
- For grupper av skuleelevar er leige inkl. leige av kano/båt pr. natt kr. 500,- for inntil 15 elevar. Frå og med elev nr. 16 blir det betalt kr. 30,- pr. elev.
- Dagsturar kr 20.- pr pers.
Adkomst
Bomveg frå aust: Kjør frå RV 65 ved Åmot mot Dalsegg. Frå riksveg til Krokvatnet omlag 7 km.
Bomveg frå vest: Kjør frå RV 65 på vestre Nordmarka ved Skisenteret. Frå riksveg til Solåsvatnet om lag 18 km.
Bestilling
Vaulen må bestillast frå Surnadal kommune sitt servicekontor på telefon: 71 65 58 00 eller e-post: post@surnadal.kommune.no
Grupper og skuleklassar blir prioriterte framom enkeltpersonar/mindre grupper.