Tysdag 10. mars kl. 11 skjer det: Endeleg kan vi invitere til opning av frivilligsentralen!

Ein husstand i Surnadal kommune har sidan tysdag 03.03.20 vore i karantene grunna mistanke om koronavirus-smitte. Dette var eit føre var-tiltak i påvente av prøvesvar. Vi har no motteke negativt prøvesvar og behovet for karantene er ikkje lenger tilstades. 

Ein husstand i Surnadal kommune er i dag tysdag 03.03.20 sett i karantene av helsetenesta. Dette er i påvente av svar på prøvar som er tekne på grunn av mistanke om koronavirus - smitte. Dette er eit føre var –tiltak. Karantenen vil vare inntil det er kome svar på prøvane. Vanlegvis tek dette om lag tre døgn. Ny pressemelding vil bli sendt ut så fort svar føreligg.

Forslag til reguleringsplan for Syltøran - Brattørskogen er lagt ut til offentleg ettersyn. Høyringsfrist er sett til 8. april.

     

Ungdomskontakten i Surnadal kommune ønskjer å invitere til gratis aktivitetar i vinterferien i veke 8 for ungdom mellom 12- 23 år.

Den 5. februar 2020 vedtok eit samla kommunestyre at Surnadal kommune skal bli berekraftkommune. Fleire og fleire kommunar og fylkeskommunar tek i bruk FN sine 17 berekraftmål frå 2015 som rammeverk for planarbeidet sitt. I følge FN sin definisjon handlar berekraftig utvikling om å ta vare på behova til menneske som lever i dag, utan å øydelegge framtidige generasjonar sine mulegheiter til å få dekt sine behov. Berekraftsmåla reflekterer dei tre dimensjonane i berekraftig utvikling: klima og miljø, økonomi og sosiale forhold.

  Vi minner om at søknadsfristen for opptak i kommunale barnehagar i Surnadal for barnehageåret 2020-2021 er 15. februar.

  Frå nyttår får du nytt renovasjonsselskap. Frå og med 1. januar 2020 slår dei tre interkommunale selskapa Nordmøre Interkommunale Renovasjonsselskap IKS, HAMOS Forvaltning IKS og Envina IKS seg saman - og blir til miljøselskapet ReMidt IKS. Det nye selskapet omfattar 17 kommunar med til saman 130 000 innbyggarar.